Langahlíð

Draumur frá Lönguhlíð er fyrsta afkvæmi Sædísar. Því miður var hann sleginn illa þegar hann sinnti hryssum 3ja vetra gamall og hefur hann ekki náð bata þótt flest hafi verið reynt að gera fyrir hann.

Það sem verður sagt um Draum er að hann er ótrúlegur karakter og mikill öðlingur í alla staði og ber öllum saman um það sem hafa annast hann og þekkja. Hann er léttbyggður og fíngerður hestur sem heillar flesta sem hann sjá.

Draumur hefur oft sýnt það undir sjálfum sér að hann er hæfileikamikill og hefur eigendum hans  þótt leitt að ekki hafi verið hægt að temja hann sökum heltis. Því var ákveðið að halda móður hans aftur undir Aron frá Strandarhöfða og eignaðist hún hest vorið 2011 sem hlotið hefur nafnið Jökull og bindum við miklar vonir við hann.